Jumysyna salǵyrt qaraǵan eki ákim jazalandy

ASTANA. KAZINFORM — Qalany abattandyrý jumystaryn baqylamaǵany úshin Stepnogor qalasynyń ákimi tártiptik jazaǵa tartylsa, sý tasqynyna qarsy sharalardy ýaqytyly qabyldamaǵany úshin Bulandy aýdanynyń ákimine qatań sógis jarııalandy. 

— 8 sáýirdegi Aqmola oblysy ákiminiń ókimimen Stepnogorsk qalasynyń abattandyrý jumystary boıynsha jergilikti atqarýshy organdardyń qyzmetin tıisti deńgeıde qadaǵalamaǵany úshin qala ákimi Gaıdar Qabdollauly Qasenovke sógis túrindegi tártiptik jaza qoldanyldy, — delingen Aqmola oblysy ákimdiginiń habarlamasynda. 

Al, Bulandy aýdanynyń ákimi sý tasqynyna qarsy esh shara qabyldamasa kerek. 

— 8 sáýirdegi Aqmola oblysy ákiminiń ókimimen qyzmettik mindetterin tıisti deńgeıde oryndamaǵany úshin, atap aıtqanda, Bulandy aýdanynda sý tasqynyna qarsy sharalardy ýaqytyly qabyldamaǵany úshin aýdan ákimi A. D. Smaıylovqa qatań sógis túrindegi tártiptik jaza qoldanyldy, — dep habarlady oblystyq ákimdikten. 

Buǵan deıin habarlanǵandaı, Almaty ákiminiń orynbasaryna aıyppul salyndy.