Jumys izdeýshilerge laıyqty jumys tabý merzimi 13 kúnge deıin uzartylady
ASTANA. KAZINFORM - 1 qazannan bastap jumys izdegen adamǵa laıyqty jumys tabý kezeńi 2 kúnnen 13 kúnge deıin uzartylady. Osy ýaqyt ishinde mansap ortalyǵynyń mamandary adamnyń bilimi, eńbek ótili men daǵdylaryn jan-jaqty qarap, soǵan saı bos jumys oryndaryn usynady. Qajet bolǵan jaǵdaıda jumys berýshilermen de baılanysady.
QR Eńbek jáne áleýmettik qorǵaý mınıstrligi baspasóz qyzmetiniń habarlaýynsha, eger adamǵa laıyqty jumys 13 kún kútpeı-aq tabylsa, osy merzimniń aıaqtalýyn kútýdiń qajeti joq.
Bos jumys oryndaryn usynýmen qatar, azamatqa oqýǵa qatysý, sýbsıdııalanatyn jumys ornyna ornalasý jáne basqa da qoldaý sharalary usynylýy múmkin.
Birinshi qadam – jumys izdep júrgen adam retinde tirkelý. Ol úshin mansap ortalyǵyna júginýge, eGov arqyly nemese Elektrondyq eńbek bırjasy Enbek.kz portalynda tirkelýge bolady.
Jańa jumysqa ornalasý tártibi qalaı júrgiziledi jáne azamattar neni bilýi kerek – tolyǵyraq beınematerıaldan kórýge bolady.
Osyǵan deıin Úkimet jumysshy mamandyqtar daıyndaýda qandaı tyń tásilder usynatyny týraly jazdyq.
