Jumys toby eńbek ótiline negizdelgen zeınetaqy júıesine kóshý usynysyn talqylaıdy
ASTANA. KAZINFORM – Jasqa baılanysty zeınetaqy taǵaıyndaý úlgisinen eńbek ótiline negizdelgen júıege kóshý múmkin be? Bul suraqqa Eńbek jáne halyqty áleýmettik qorǵaý mınıstri Asqarbek Ertaev jaýap berdi.
- Bul jónindegi senatordyń usynysy bizge joldandy. Jalpy, bizde zeınetaqy júıesindegi ózgerister boıynsha arnaıy jumys toby bar. Mamyr aıynda ol jerde úsh usynys qaralady, ıaǵnı ony sarashylarmen jáne ókiletti organdarmen talqylaý kerek, - dedi A.Ertaev Úkimettegi baspasóz máslıhatynda.
Aıta keteıik, buǵan deıin depýtat eńbek ótili negizindegi zeınetaqy úlgisine kóshýdi usynǵanyn jazǵanbyz.
- Bul reformany iske asyrýdaǵy kútiletin nátıje – jumyssyzdyq deńgeıin tómendetý, masyldyq kózqarasty qysqartý men enjarlyqty yntalandyrmaý jáne merziminen buryn ekonomıkalyq belsendilikten negizsiz shyǵýdy boldyrmaý men azamattardyń eńbekke jaýapkershilikpen qaraýyn qalyptastyrý, sondaı-aq memlekettik bıýdjet pen Biryńǵaı jınaqtaýshy zeınetaqy qoryna aýyrtpalyqty azaıtý esebinen zeınetaqy júıesinde aýqymdy qarjy teńgerimdiligin qamtamasyz etý bolady, - deıdi senator Amangeldi Nuǵmanov.
