Jumys istemeıtin muǵalimderge 609 mln teńgeden astam qarjy tólengen
Almaty oblysynda jumys istemeıtin muǵalimderge 609 mln teńgeden astam qarajat jalaqy túrinde aýdarylǵan. Bul týraly óńirlik kommýnıkatsııalar qyzmeti alańynda Almaty oblysy Sybaılas jemqorlyqqa qarsy qyzmet departamentiniń basshysy Serik Orymbetov aıtty, dep habarlaıdy QazAqparat tilshisi.
Spıkerdiń sózinshe, júrgizilgen syrtqy taldaý barysynda jumys istemeıtin 13 adamǵa 609 mln teńgeden astam qarajattyń jalaqy túrinde aýdarylǵany anyqtaldy. Atalǵan derek boıynsha 6 býhgalterge qatysty qylmystyq is tirkeldi.
Olardyń bireýi 6 jyl bas bostandyǵynan aıyryldy. Sondaı-aq 81 mln teńge kólemindegi shyǵyndy tolyq ótedi.
«Sondaı-aq býhgalterler muǵalimdermen kelise otyryp, joǵary jalaqy tólegeni týraly 4 fakt bar. Mundaı buzýshylyqtardyń jalpy somasy – 81 mln teńge. Búginde býhgalter men 4 muǵalim úsh jyldan alty jylǵa deıin bas bostandyǵynan aıyryldy. 62 mln teńge kóleminde keltirilgen zalal tolyǵymen óteldi», - dedi Serik Orymbetov.
Ol sondaı-aq atalǵan faktige adamı faktordyń bolýy jáne «Parýs-Kaz» ben «1S» júıelerinde qazynashylyq bazalarymen ıntegratsııanyń bolmaýy sebep bolǵanyn aıtty.
