Jumys pen ómir cúrý kórsetkishi eń jaqsy elderdiń reıtıngi jarııalandy

ASTANA. KAZINFORM - Remote platformasy jumys pen ómir balansy jaqsy elderdiń jańa reıtıngin shyǵardy.

Zertteý álemniń 60 iri ekonomıkasyn qamtydy.

Elderdiń reıtıngi aqyly demalys kúnderiniń sany, bosaný kezindegi áleýmettik qoldaý deńgeıi, eń tómengi jalaqy, densaýlyq saqtaý sapasy, qaýipsizdik jáne baqyttylyq deńgeıi negizinde jasaldy.

Reıtıngte Jańa Zelandııa birinshi oryndy ıelendi - bul elde jumysshylar jylyna 32 kún demalys jáne 26 apta dekrettik demalys ala alady.

Ámbebap densaýlyq saqtaý júıesi jáne eń tómengi jalaqysy joǵary Irlandııa ekinshi orynǵa shyqty. Eń tómengi jalaqysy joǵary jáne senimdi áleýmettik qamsyzdandyrýy bar Belgııa úshinshi orynda.

Sondaı-aq alǵashqy ondyqqa Germanııa, Norvegııa, Danııa, Kanada, Avstralııa, Ispanııa jáne Fınlıandııa kirdi. Alǵashqy on eldiń jeteýi Eýropada ornalasqan.

Sondaı-aq reıtıngte Ýkraına — 37, Reseı — 43, Qazaqstan — 46 orynda. Reıtıngke Ózbekstan kirgen joq.

Eske sala keteıik, álemdegi eń baqytty elderdiń tizimi jarııalandy.