Jumys ornynda jaraqat alǵan aqtóbelik 10 mln teńge óndirip aldy
AQTÓBE. KAZINFORM – Jazataıym oqıǵa kezinde aqtóbelikke ІІ top múgedektigi rásimdelgen. Ol moraldyq zııan jáne materıaldyq shyǵyndy óndirýdi talap etti.
Aqtóbelik jazataıym oqıǵa kezinde jaraqat alǵanyn aıtyp, jumys berýshiden materıaldyq zalaldy óndirý jáne moraldyq zııandy óteý týraly talap qoıdy. Іs sotta qaralǵan kezde jumys berýshi kompanııanyń eńbek qaýipsizdigin qamtamasyz etpegeni, eńbek zańnamasynyń talaptary saqtalmaǵany anyqtaldy. Medıtsınalyq saraptama qorytyndysynda jumysshyǵa ІІ top múgedektigi rásimdelgen. ıAǵnı ol endi kásiptik jumysqa jaramaı qaldy.
- Sot jumysshynyń jaraqatyn, oǵan múgedektik rásimdelgenin eskerdi. Sot sheshimimen jumys berýshiden talap qoıýshynyń paıdasyna 10 000 000 teńge mólsherinde moraldyq zııan, dári-dármek satyp alýǵa, emdelýge, jol shyǵyndaryna jumsalǵan 255 000 teńge materıaldyq zalal óndirildi. Sot sheshimi zańdy kúshine engen joq,- dep habarlady Aqtóbe oblystyq sotynyń baspasóz qyzmeti.
Eske salsaq, búginde mindetti saqtandyrýmen 4 mıllıonǵa jýyq jumysker qamtylǵan. Mindetti saqtandyrý sharttaryn 119 myńnan astam zańdy tulǵa jasasqan. Bul eldegi jumys istep turǵan kásiporyndardyń shamamen 70%-y.
