Jumys berýshiler men kásipodaqtardyń birlesken is-qımyl algorıtmi quryldy

ASTANA. KAZINFORM – Sondaı-aq, eńbek daýy kezinde ýaqytyly den qoıý sharalaryn qabyldaý úshin, jumys berýshiler men kásipodaqtardyń birlesken is-qımyl algorıtmi qoldanylady. Bul týraly Ortalyq kommýnıkatsııalar alańyndaǵy brıfıng barysynda Eńbek jáne áleýmettik qorǵaý komıtetiniń tóraǵasy, QR Bas memlekettik eńbek ınspektory Tólegen Ospanqulov aıtty.

– Mańǵystaý, Atyraý, Pavlodar, Aqtóbe jáne Qyzylorda oblystarynda óńir ákimderiniń tóraǵalyǵymen eńbek qatynastary salasynda vedomstvoaralyq shtabtar jumys isteıdi; oblystyń áleýmettik jaǵdaıyn taldaý jáne baǵalaý úshin Aqtaý qalasynda «QazMunaıGaz» UK» AQ ókildigi jumys isteıdi. Ujymdyq eńbek daýy týyndaǵan jaǵdaıda birlesken jedel áreket etý úshin ár óńirde ulttyq qaýipsizdik organdarymen, prokýratýramen, ishki ister organdarymen jáne ákimdiktermen ózara aqparat almasý uıymdastyrylǵan, - dedi spıker.

Budan basqa, «Samuryq-Qazyna» UÁQ AQ-men enshiles kásiporyndardyń personalymen jumys menedjmentin jaqsartý týraly Jol kartasyna qol qoıyldy. 1 jyldan astam merzimge kelisimsharttar jasasýǵa kóshý qamtamasyz etilip, yqtımal táýekelderdi erte anyqtaýdyń skorıngtik modeli engizilip jatyr.

Eske sala keteıik, buǵan deıin kásiporyndardyń tsıfrlyq kartasy jasalǵanyn habarlaǵan bolatynbyz. 

Sondaı-aq, bıyl respýblıka boıynsha 13 kásiporynda ereýil bolǵan. 

Zulqarnaı Ermuratuly