Jumyrtqa baǵasyn turaqtandyrý boıynsha memorandým jasaldy

ASTANA. KAZINFORM – QR Saýda jáne ıntegratsııa mınıstrligi, Aýyl sharýashylyǵy mınıstrligi, Qus ósirýshiler odaǵy, jumyrtqa óndirýshiler salalyq qaýymdastyǵy jáne Saýda jelileri odaǵy áleýmettik mańyzdy azyq-túlik taýarlarynyń baǵasyn turaqtandyrý sharalaryn iske asyrý boıynsha yntymaqtastyq memorandýmyna qol qoıdy.

яйцо
Фото: gov.kz

Memorandýmnyń negizi - taraptardyń baǵa turaqtylyǵyn qamtamasyz etýge degen ózara múddeliligi men bıznestiń áleýmettik jaýapkershiligin arttyrý.

Qol qoıylǵan memorandým aıasynda Qus ósirýshiler odaǵy men Qaýymdastyq qus fabrıkalarynyń qoımalary men fırmalyq dúkenderinde satylym baǵasynyń turaqtylyǵyn qamtamasyz etýge mindetteme aldy.

jumyrtqa
Foto: QR Saýda jáne ıntegratsııa mınıstrligi

Óz tarapynan Saýda jelileri odaǵy zańnama talaptaryna sáıkes saýda ústemesi mólsherin saqtaýyn qamtamasyz etedi jáne osy sanattaǵy jumyrtqalardy satýdan syıaqy talap etpeıdi.

Aýyl sharýashylyǵy mınıstrligi jergilikti óndirýshilerdi qorǵaý maqsatynda jumyrtqa ımportyna shekteý engizý máselesin qarastyryp, Saýda jáne ıntegratsııa mınıstrligimen birge zańsyz ımporttyq jumyrtqalardy naryqqa shyqpaýyn, olardy aınalymnan alý jóninde baqylaý sharalaryn qabyldaıdy.

Saýda jáne ıntegratsııa mınıstrligi memorandým aıasynda baǵa monıtorıngin júrgizip, onyń sharttarynyń oryndalýyn baqylaıdy.

Jumyrtqa óndirýshiler qaýymdastyǵy men QR Saýda jáne ıntegratsııa mınıstrliginiń arasynda memorandýmǵa qol qoıylǵanyn jazǵan edik.

Сейчас читают