Jumbaqtasqa kóterilýge tyıym salyndy
ASTANA. KAZINFORM – Aqmola oblysyndaǵy Býrabaı ulttyq parki aýmaǵynda ornalasqan Jumbaqtas jartasyna shyǵýǵa qatań tyıym salyndy. Bul týraly «Býrabaı» Memlekettik ulttyq tabıǵı parkiniń baspasóz qyzmeti habarlady.
Mamandardyń aıtýynsha, jartasqa kóterilý tabıǵı eskertkishtiń tutastyǵyna zııan keltirip qana qoımaı, adamdardyń ómiri men densaýlyǵyna qaýip tóndiredi.
— Jumbaqtas — erekshe qorǵalatyn tabıǵı aımaq. Onyń tek estetıkalyq emes, mádenı-tarıhı qundylyǵy da zor. Sondyqtan kelýshilerden belgilengen tártip pen qaýipsizdik talaptaryn saqtaýdy suraımyz, — delingen resmı habarlamada.
Tártip buzýshylar Qazaqstan Respýblıkasynyń ákimshilik zańnamasyna sáıkes jaýapkershilikke tartylady.
— Ekologtar men jergilikti bılik ókilderi tabıǵı murany qorǵaý — árbir azamattyń mindeti ekenin eskertedi, — delingen habarlamada.
Aıta ketelik shildeden bastap «Astana-Býrabaı» baǵytynda jańa elektr poıyzy qatynaıdy.