Jumataı Álıevtiń kandıdatýrasy zań talaptaryna tolyq saı keledi - OSK
«QR Konstıtýtsııalyq Zańynyń 54 -baby, 3-tarmaǵyna jáne 2-tarmaqshasy, 6-tarmaǵyna jáne 56-babyna sáıkes ortalyq saılaý komıssııasy QR Prezıdenttigine kandıdat Jumataı Álıevtiń QR Konstıtýtsııasy jáne «QR saılaý týraly» QR Konstıtýtsııalyq zańynda qoıylǵan talaptarǵa sáıkes keletindigin qaýly etedi», - dedi OSK tóraǵasy Nurlan Ábdirov.
Buǵan deıin habarlaǵanymyzdaı, QR Pezıdentigine kandıdat Jumataı Álıev memlekettik tildi meńgerý synaǵanyn sátti ótti.
«Lıngvıstıkalyq emtıhan úsh kezeńde ótkizildi. Jazba jumysy, qazaq ádebıeti klassıkteriniń shyǵarmasynan úzindi oqý jáne kandıdat tańdaǵan taqyryp boıynsha kópshilik aldynda sóz sóıleý. Emtıhan aıaqtalǵan soń, komıssııa kandıdattyń jaýabyn talqylap, qorytyndysyn shyǵardy», - delingen habarlamada.
Ortalyq saılaý komıssııasynyń resmı aqparatyna sáıkes, emtıhan qorytyndysy boıynsha lıngvıstıkalyq komıssııanyń eki múshesi qalys qala otyryp, kópshilik daýyspen kandıdat Jumataı Álıuly Álıevtiń memlekettik tildi meńgergeni týraly sheshim qabyldady.
