Jumataı Álıev OSK sheshimine shaǵymdana alady
Qazirgi ýaqytta men onyń (prezıdenttikke kandıdat retinde usynylǵan Jumataı Álıev - red.) lıngvıstıkalyq komıssııa sheshimimen kelisetindigin ne kelispeıtindigin aıta almaımyn. Ol jaıynda ózi aıta jatar. Jalpy, Ortalyq saılaý komıssııasynyń kez kelgen sheshimine qarsy shaǵym jasaýǵa bolady. 10 kúnniń ishinde sotqa shaǵym berýge ol kisiniń de quqyǵy bar. Lıngvıstıkalyq komıssııa kandıdatqa úmitker memlekettik tildi erkin meńgergen nemese meńgermegen dep qana baǵa bere alady», - dedi Lázzat Súleımen.
Aıta keteıik, búgin «Halyq demografııasy» qoǵamdyq birlestigi Qazaqstan Respýblıkasynyń Prezıdenttigine kandıdat retinde usynǵan Jumataı Álıev memlekettik tilden emtıhan tapsyrdy. Nátıjesinde QR Prezıdenttigine kandıdattyń memlekettik tildi meńgerý deńgeıin anyqtaıtyn lıngvıstıkalyq komıssııa onyń memlekettik tildi erkin meńgermegendigin anyqtady.
Osyǵan oraı QR Ortalyq saılaý komıssııasy «Halyq demografııasy» qoǵamdyq birlestiginen prezıdenttikke úmitker retinde usynylǵan Jumataı Álıevti kandıdat retinde tirkeýden bas tartty.
