Jumanǵarın Salyq reformasynyń eń birinshi mindetin atady

ASTANA. KAZINFORM – QR Premer-mınıstriniń orynbasary – Ulttyq ekonomıka mınıstri Serik Jumanǵarın jańa Salyq kodeksi bıznesti «aǵartýǵa», kóleńkeli aımaqtan shyǵarýǵa negizdelgenin aıtty.

— Bul reformanyń eki mindeti bar. Birinshisi – bıznesti yntalandyrý: Usaqtan — shaǵynǵa, shaǵynnan — ortaǵa, ortadan — irige. Bul ózgeristiń eń mán beretin tusy – kásip ıesi arnaıy salyqtyq tártipte bola turyp jalpyǵa ortaq tártip sýbektilermen jumys isteı almaıdy. Biz oǵan tyıym salyp tastadyq. Iá, bul qatal tásil, biraq solaı etý kerek boldy. Bul degenimiz sen tenderge qatysyp, jetkizýshi retinde basqa da kelisimder jasaǵyń kelse, jalpyǵa ortaq salyqtyq tártipke ótýiń kerek degen sóz. Ol úshin «aǵarýyń» kerek, qansha jalaqy beretinińdi, qansha adam jumys isteıtinin ashyp kórsetýiń kerek, - dedi ol «Atameken» QR Ulttyq kásipkerler palatasynda ótken baspasóz máslıhatynda.

Buǵan deıin ol jańa Salyq kodeksi kásipkerlikke qalaı áser etetinin aıtyp bergen edi.

Aıta keteıik, búgin Memleket basshysy jańa Salyq kodeksine qol qoıdy.