Jumanǵarın OPEK aıasyndaǵy ózgeristerge qatysty pikir aıtty
ASTANA.KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın Birikken Arab Ámirlikteriniń OPEK-ten shyǵýy sheshimi álemdik munaı naryǵyna áser etýi jaǵdaıyna pikir aıtty.
Onyń sózine qaraǵanda, BAÁ-niń sheshimi ekonomıkalyq turǵydan negizdelgen jáne munaı óndirýdi ulǵaıtý josparymen baılanysty.
Sonymen qatar S. Jumanǵarın «OPEK dáýiriniń aıaqtalýy» týraly málimdemeler muqııat baǵalaýdy qajet etetinin jetkizdi.
— Bul baǵa soǵysyna ákele me? Ondaı jaǵdaı oryn alýy múmkin be? BAÁ-de óndirý kólemi ulǵaıǵanymen, naryqta balamaly munaı kózderi saqtalady, - dedi ol.
Úkimet basshysynyń orynbasary halyqaralyq tájirıbede munaı baǵasyn boljaýda bazalyq, optımıstik jáne pessımıstik stsenarııler eskeriletinin, bul óz kezeginde ekonomıka úshin yqtımal táýekelderdi qarastyrýǵa múmkindik beretinin atap ótti.
S. Jumanǵarın 2027-2029 jyldarǵa arnalǵan bıýdjetti josparlaý aıasynda makroekonomıkalyq boljamdar daıyn bolǵanyn, onda munaı baǵasynyń stsenarııleri pysyqtalǵanyn habarlady.
Osy oraıda Preıer-mınıstrdiń orynbasary bul máselede ýaıymdaýdyń reti joq ekenin, Qazaqstan bul salada qıyn jaǵdaıǵa tap bolatyndaı alǵysharttar baıqalmaǵanyn sóz etti.
Aıta keteıik, Birikken Arab Ámirlikteri (BAÁ) 2026 jyldyń 1 mamyrynan bastap OPEK pen OPEK+ uıymdarynan shyǵý týraly sheshim qabyldady.
