Jumanǵarın EAEO naryǵyndaǵy kedergiler týraly Prezıdent synyna jaýap berdi
ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın EAEO naryǵyndaǵy kedergilerdi anyqtaý jáne joıý jumystaryna basymdyq beriletinin aıtty.
– Eýrazııalyq ekonomıkalyq odaq sheńberinde bıylǵy jáne keıingi jyldarǵa arnalǵan jumystyń negizgi baǵdarlary – Memleket basshysy qoıǵan basymdyqtar men mindetterdi praktıkalyq iske asyrý, onyń ishinde EAEO jalpy naryǵynda qazaqstandyq taýarlardy ilgeriletý jolyndaǵy kedergilerdi anyqtaý jáne joıý, – dedi S. Jumanǵarın búgingi Úkimet otyrysynda.
Mınıstrdiń aıtýynsha, EAEO sheńberinde memlekettik qoldaý sharalary ulttyq deńgeıde árbir el qoldanatyn memlekettik qoldaý sharalarynyń kólemi kelisilgen mánderden aspaýy kerektigi týraly kelisimge qol jetkizildi.
– Jalpy alǵanda, Eýrazııalyq ekonomıkalyq odaq sheńberinde Qazaqstan Respýblıkasynyń ulttyq múddelerin qorǵaý jáne ilgeriletý, sondaı-aq teńgerimdi saýda saıasatyn júrgizýdi qamtamasyz etý jónindegi jumys jalǵasady, – dedi Ulttyq ekonomıka mınıstri.
Aıta keteıik, keshe Prezıdent EAEO aıasynda Qazaqstandaǵy aýyl sharýashylyǵy taýarlary negizsiz qysymǵa ushyrap otyrǵanyn, ulttyq múddelerdi qorǵaý úshin belsendi áreket etý kerektigin aıtqan edi.
Buǵan deıin Serik Jumanǵarın Prezıdenttiń V Ulttyq quryltaıda bergen tapsyrmalary qalaı oryndalatynyn baıandaǵan edi.