Jumaqanov pen Patrýshev Qaýipsizdik keńesteri konsýltatsııalaryn ótkizdi

ASTANA. QazAqparat - Qazaqstan Respýblıkasy Prezıdentiniń kómekshisi - Qaýipsizdik keńesiniń hatshysy Vladımır Jumaqanov jáne Reseı Federatsııasy Qaýipsizdik keńesiniń hatshysy Nıkolaı Patrýshev tóraǵalyǵymen Qazaqstan men Reseı Qaýipsizdik keńesteriniń apparattary arasyndaǵy josparlanǵan konsýltatsııalar ótti, dep habarlaıdy Aqordanyń baspasóz qyzmeti.

21 maýsymda Astana qalasynda ótken atalǵan is-sharalarǵa eki eldiń tıisti memlekettik organdardyń basshylary men jaýapty qyzmetkerleri qatysty.

Kezdesý barysynda aqparattyq qaýipsizdikti qamtamasyz etý salasynda, halyqaralyq kún tártibindegi ózekti máseleler talqylanyp, onyń ishinde Taıaý Shyǵystaǵy jaǵdaı jáne ózara is-qımyldardy júzege asyrýdaǵy seriktestikti nyǵaıtý máseleleri qaraldy.

V.Jumaqanov konsýltatsııalardyń qorytyndysyn shyǵarýda Astana protsesi aıasyndaǵy tikeleı suhbattyń jalǵasý mańyzdylyǵyna toqtalyp, qorytyndysynda Sırııanyń tynysh ómirge kelýine jáne saıası qadaǵalaýǵa qol jetkizý bolýy tıis ekendigin jetkizdi.

Sonymen qatar, turaqty túrde aqparattyq qaýipsizdikti qamtamasyz etýde tájirıbemen almasý jáne gorızantaldy deńgeıde eki eldiń mamandary arasynda kezdesýler ótkizýdi usyndy.

Konsýltatsııalar qorytyndysy boıynsha praktıkalyq  sıpattaǵy keıbir máseleler jóninde ýaǵdalastyqtarǵa qol jetti.

Reseıdiń Qaýipsizdik keńesiniń delegatsııasy halyqaralyq «EXPO-2017 Astana» kórmesimen tanysty. Qatysý barysynda reseı áriptester kórmeni ótkizý jáne uıymdastyrý deńgeıin joǵary baǵalady.