Jumaqanov Bas prokýratýra aldynda ózin-ózi órteý aktsııalaryna pikir bildirdi
Onyń sózine qaraǵanda, osyndaı árbir jaǵdaı boıynsha tyńǵylyqty ári obektıvti qarastyrýdy qamtamasyz etý qajet.
«Ótken jyly ótinimderdi qarastyrýdyń tómengi sapasy qandaı jaǵdaılarǵa alyp keletinin kórdik. Adamdar tyńǵylyqty ári túsinikti jaýap almaǵandyqtan, aqyrǵy qadamdarǵa baryp jatady... Osyndaı birneshe narazylyq aktsııalary prokýratýra organdarynyń mańynda oryn alyp, qoǵamdyq úlken rezonans týdyrdy. Osy rette, ózin órtep jiberý, ashtyq jarııalaý jáne basqa da narazylyqtar boldy. Adamdar prokýratýradan aqıqatty izdeıdi. Sizder qajetti ókilettigi bar ınstantsııa bolyp tabylasyzdar. Sondyqtan da árbir jeke jaǵdaı boıynsha tyńǵylyqty ári obektıvti qarastyrýdy qamtamasyz etý óte mańyzdy», - dedi Jumaqanov Bas prokýratýranyń alqa májilisinde.
Esterińizge sala keteıik, 2016 jyldyń 6 jeltoqsany kúni QR Bas prokýratýrasynyń baqylaý-ótkizý pýnktinde 1968 jyly dúnıege kelgen Maıra Rysmanova ózin-ózi órtep, qalalyq aýrýhanaǵa jetkizilgen bolatyn. Keıinnen ol qaıtys boldy.
Belgili bolǵandaı, uly E.Ahmetovtiń sottalýyna kelispegen Maıra Rysmanovanyń shaǵymy Bas prokýratýraǵa 2016 jyldyń 28 qarashasynda túsken. Shaǵymdaǵy dálelderdi tekserý úshin sottan qylmystyq is suratyp alynǵan. E.Ahmetov 2015 jyldyń 15 maýsymynda Shý aýdandyq sotynyń úkimimen iri mólsherde esirtki zatyn zańsyz saqtaǵany úshin 4,5 jylǵa bas bostandyǵynan aıyrylǵan.