Jumaǵulov tıtýldyq kezdesýde 5 mıllıon teńgeden astam syıaqy alýy múmkin - MMA
ASTANA. QazAqparat - FIGHTNIGHTSGLOBAL promoýshnniń prezıdenti Kamıl Gadjıev Astanadaǵy FIGHTNIGHTSGLOBAL 65 týrnıriniń syıaqy mólsheri týraly aıtyp berdi, dep habarlaıdy QazAqparat.
Onyń sózinshe, keshtiń basty hedlaınerleri - Jalǵas Jumaǵulov pen Vartan Asatrıan arasyndaǵy jekpe-jektiń jeńimpazy 1 mıllıon rýbl kóleminde syıaqy alady. Bul shamamen 5,6 mıllıon teńge bolady.
«Týrnır nátıjesi shyqqannan soń, palýandardyń gonorarlaryn jarııa etý úrdisi qalyptasqanyn bilesizder. Keıde MMA-da jekpe-jektiń quny olardyń qatysýshylaryna tólenetin somadan asyp ketedi. Jalǵas Jumaǵulovtyń jaǵdaıynda, eń qundy júlde chempıondyq ataq bolmaq. Al resmı syıaqy kólemi 1 mıllıon rýbldi quramaq», - dep atap ótti ol.
«Bizdiń seriktester bar, Reseıde jáne Qazaqstanda, sonymen qatar álemde efır arqyly taralýyna múddeli Reseıdiń kommertsııalyq brendteri bizben áriptes», - deıdi Gadjıev.
FIGHT NIGHTS GLOBAL promoýshnniń prodıýseri Sangadjı Tarbaevtyń habarlaýynsha, týrnır qarjylyq turǵyda óz áleýetin kórsete alady.
«Bizdiń týrnır - bul tolyǵymen kommertsııalyq shara, sondyqtan biz onyń kommertsııalyq turǵyda sátti ótetinine senemiz», - dedi Tarbaev.
