Jumaǵulov pen Maklın aıqas aldynda salmaq ólsheý rásimnen ótti
ASTANA. KAZINFORM – Búgin Almaty qalasynda Jalǵas Jumaǵulov jekpe-jek aldynda salmaq ólsheý rásimine qatysyp, tarazyǵa turdy.
Onyń salmaǵy qarsylasynan sál jeńilirek bolyp shyqty. Otandasymyzdyń tarazydaǵy taza salmaǵy 57,4 kelini kórsetse, onyń qarsylasy Maklınnyń salmaǵy 57,6 keli boldy.
Aıta keteıik, erteń, ıaǵnı, 24 aqpan kúni «Almaty Arena» sport kesheninde aralas jekpe-jekten NAIZA 57 ǵalamat týrnıri ótedi.
Atalǵan keshtiń basty jekpe-jeginde qazaqstandyq Jalǵas Jumaǵulov amerıkalyq Klıvlend Maklınmen (17-11) jekpe-jekke shyǵady.
Sonymen qatar osy jekpe-jek aıasynda qytaılyq Taılaq Nurajy (8-1) jáne Dýglas De Olıveıra (13-7) arasynda, Juman «Arlan» Jumabekov (13-7) pen qyrǵyz jaýyngeri - Qanat «Taıson» Keldibekov (22-9) arasyndaǵy aıqastar ótedi.
