Jumaǵalı Ysmaǵulov qazaq jýrnalısteriniń ishindegi bir súbelisi edi - professor Tursynbek Kákishev
ALMATY. 17 qańtar. QazAqparat /Erlik Erjanuly/ - Jumaǵalı Ysmaǵulov artynda óshpes iz qaldyrǵan halqymyzdyń ardaqty azamattarynyń biri boldy. Bul týraly fılologııa ǵylymynyń doktory Tursynbek Kákishev búgin marqumdy aqtyq saparǵa shyǵaryp salý kezinde aıtty.
"Jumaǵalı Ysmaǵulov qazaq jýrnalısteriniń ishindegi bir súbelisi edi. Onyń súbeli bolatyn sebebi - QazTAG-tyń nemese taǵy basqa qyzmetterde basshy bolǵandyǵynan emes, kóbine sonyń ǵylymı negizin aıqyndaýdaǵy nıetinde. Máskeýde Joǵary partııa mektebinde oqyp júrip qazaq baspasóziniń róli jóninde dıssertatsııa qorǵady. Odan keıin QazTAG-tyń basshysy bop júrgen ýaqytynda 1986 jylǵy kóteriliske qatysqan jastardyń sýreti basylǵany úshin jazyqty bolyp qyzmetinen aıryldy", -deıdi Tursynbek Kákishev.
Qazaqtyń Ál-Farabı atyndaǵy ulttyq ýnıversıteti professorynyń aıtýynsha, Jumaǵalı Ysmaǵululy bul qyzmetinen aırylǵannan keıin Abaıdy nasıhattaýǵa kóp eńbek sińirdi. Bul eńbegi eskerýsiz qalmaı Abaıdyń 2 tomdyǵyn shyǵarǵanda Memlekettik syılyqtyń laýreaty atandy. Sondaı-aq Mirjaqyp Dýlatovtyń 5 tomdyq shyǵarmalar jınaǵyn shyǵarýǵa jetekshi boldy.
