Jumada Qazaqstannyń basym bóliginde jel kúsheıip, jańbyr jaýady
ASTANA. QazAqparat - 18 mamyrda Qazaqstannyń basym bóliginde atmosferalyq aǵyndardyń ótýine baılanysty keı jerlerde jańbyr jaýady, naızaǵaı jarqyldaıdy. Tek respýblıkanyń ońtústik bóliginde jaýyn-shashynsyz aýa raıy kútiledi. Keı jerlerde jel kúsheıip, tuman túsedi, dep habarlaıdy Qazgıdromet.
Aqmola, Soltústik Qazaqstan oblystarynyń túnde keı jerlerinde, kúndiz basym bóliginde jeldiń jyldamdyǵy kúsheıip 15-20m/s, kúndiz keı jerlerinde 23-28 m/s jetedi, sondaı-aq Aqmola oblysynyń keı jerlerinde tuman kútiledi.
Pavlodar oblysynda kúndiz jel jyldamdyǵy 15-20, keı jerlerinde ekpini 25 m/s deıin jetedi.
Shyǵys Qazaqstan, Qostanaı, túnde Qaraǵandy, Almaty, kúndiz Ońtústik Qazaqstan oblystarynyń keı jerlerinde jel 15-20 m/s kúsheıip, Shyǵys Qazaqstan, Qostanaı oblystarynyń keı jerlerinde - tuman túsedi.
