Jumada Qazaqstannyń basym bóliginde qubylmaly kún raıy saqtalady
ASTANA. QazAqparat - «Qazgıdromet» RMK 30 naýryzǵa arnalǵan aýa raıy boljamyn jarııalady, dep habarlaıdy QazAqparat.
Jaýyn-shashynsyz aýa raıy tek batys aımaqtarda kútiledi. Respýblıkanyń keı jerlerinde jel kúsheıip, tuman, kóktaıǵaq kútiledi. Ońtústikte daýyl, naızaǵaı jáne burshaq bolýy múmkin.
Jambyl, Qyzylorda oblystarynyń keı jerlerinde jeldiń jyldamdyǵy15-20, kúndiz ekpini 23-28 m/s jetedi.
Aqmola, Aqtóbe, Pavlodar oblystarynyń keı jerlerinde tuman, kóktaıǵaq, jaıaý burqasyn bolady.
Batys Qazaqstan, Almaty oblystarynyń keı jerlerinde jeldiń jyldamdyǵy 15-20 m/s jetedi, keı jerlerinde tuman bolady.
Atyraý, Mańǵystaý, Ońtústik Qazaqstan, Qostanaı, Soltústik Qazaqstan oblystarynyń keı jerlerinde kóktaıǵaq, burqasyn bolyp, jel 15-20, ekpini 23-28 m/s kúsheıedi.
