«Jumabektiń bajasy»: Jol erejesin buzǵan júrgizýshi jaýapkershilikke tartyldy

TÚRKІSTAN OBLYSY. QazAqparat – Otyrar aýdany, Sháýildir aýylyndaǵy kóshelerdiń birinde qarsy baǵytpen júrip, qaýipti jaǵdaı týǵyzyp qana qoımaı, jol polıtseılerinen «Jumabektiń bajasymyn» degen sózben qutylyp ketken júrgizýshi ákimshilik jaýapkershilikke tartyldy, dep habarlaıdy QazAqparat tilshisi.

Ótken aptada áleýmettik jelilerge «Sháýildir bizdiki» degen atpen beınejazba taraǵan bolatyn.

Onda ishimdik ishken júrgizýshi men jolaýshylary Sháýildir aýylyndaǵy kóshelerdiń birinde qarsy baǵytpen júrip, qaýipti jaǵdaı týǵyzǵan. Olardy jol polıtseıleri toqtatyp, qujattaryn talap etkenimen tártip buzǵandar «Jumabektiń bajasymyn» degen bir aýyz sózben qutylyp ketken bolatyn.

Polıtseıler keıinnen «Lada Prıora» avtokóliginiń júrgizýshisin taýyp, ony eki birdeı bappen ákimshilik jaýapkershilikke tartty. Al, búgin onyń bajasy dep aıtqan týysy, ári Otyrar aýdandyq Ákimshilik polıtsııa bóliminiń bastyǵy Jumabek Tólegen tártiptik komıssııanyń sheshimimen laýazymynan bosatylǵany habarlandy.

«QR Memlekettik qyzmetshileriniń ádep kodeksiniń tarmaqshalaryn jáne polıtsııa stanlartyn buzǵany úshin táptiptik komıssııanyń sheshimimen Otyrar aýdandyq polıtsııa bóliminiń ákimshilik polıtsııa bólimshesiniń bastyǵy, polıtsııa maıory Jumabek Tólegen óz laýazymynan bosatyldy. Al júrgizýshige toltyrylǵan hattamalar qazirgi tańda sotqa joldandy. Sot júrgizýshini zańǵa sáıkes jarty jyl merzimge júrgizýshi kýáliginen aıyrýy múmkin», - deıdi Túrkistan oblystyq PD baspasóz qyzmetiniń jetekshisi Saltanat Qarakózova.