Jumabaı Nurjan Azııa chempıonatynda eki altyn alyp, eki rekord ornatty
ASTANA. KAZINFORM — Tashkentte ótip jatqan Azııa chempıonatynda 95 kelige deıingi salmaq dárejesindegi jarystyń eń jas qatysýshysy Jumabaı Nurjan eki altyn medal jeńip aldy, dep habarlaıdy Aýyr atletıka federatsııasynyń baspasóz qyzmeti.
Jumabaı Nurjan Tashkenttegi jarysqa 2026 jylǵy álem chempıony mártebesinde kelip, álemdik aýyr atletıkanyń kóshbasshysy ekenin taǵy bir márte dáleldedi.
Onyń nátıjeleri:
- Julqa kóterý — 159 kg
- Serpe kóterý — 195 kg
- Qos saıys qorytyndysy — 354 kg
— Jarys qorytyndysy boıynsha Nurjan Azııa qurlyǵynyń eń myqty atleti atandy! Sportshy jeke jattyqtyrýshysy Nýrýllaev Azamattyń jetekshiligimen jattyǵady. Qazaqstan halqyn osyndaı tamasha oqıǵamen, sportshymyzdyń jarqyn ári senimdi jeńisimen quttyqtaımyz! — delingen federatsııa taratqan aqparatta.
Buǵan deıin Aıanat Jumaǵalı aýyr atletıkadan jasóspirimder arasyndaǵy Azııa chempıonatynyń chempıony atanǵanyn jazǵanbyz.
