Juma kúnine arnalǵan aýa raıy
NUR-SULTAN. QazAqparat – Juma kúni elimizde qara aralas jańbyr jaýyp, kóktaıǵaq bolady, tuman túsýi múmkin, dep habarlaıdy QazAqparat Qazgıdrometke silteme jasap.
5 aqpanda Qazaqstan aýmaǵynyń basym bóligine tsıklon jáne atmosferalyq frontaldy aǵyn yqpal etedi. Keı jerlerde qar aralas jańbyr jaýady, tuman túsip, kóktaıǵaq bolady, jaıaý burqasyn soǵady, jel kúsheıýi yqtımal. Elimizdiń ońtústik jáne ońtústik-shyǵysynda kún raıy ashyq bolady.
Almaty, Jambyl, Túrkistan, Qyzylorda oblystarynyń keı jerlerinde tuman túsýi múmkin, Almaty oblysynyń Jalańashkól aýdanynda jel 15-20 m/s kúsheıedi.
Aqmola, Mańǵystaý, Atyraý, Batys Qazaqstan, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman túsýi múmkin, kóktaıǵaq bolady, Aqmola jáne Qaraǵandy oblystarynyń keı jerlerinde jaıaý burqasyn soǵýy múmkin.
Shyǵys Qazaqstan oblysynyń keı jerlerinde boran soǵady, jeldiń jyldamdyǵy 15-20 m/s kúsheıedi, joldarda kóktaıǵaq bolýy yqtımal.
