Juma kúni respýblıkanyń keı aımaqtarynda kún sýytady
ASTANA. QazAqparat - 29 sáýir kúni Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty keı jerlerinde jaýyn-shashyn saqtalady (kóbinese jańbyr túrinde), ońtústikte jańbyr, naızaǵaı, jeldiń kúsheıýi, batysta shańdy daýyl, tuman kútiledi, tek ortalyqta aýa raıy jaýyn-shashynsyz bolady. Respýblıkanyń soltústiginde, shyǵysynda, ortalyǵynda úsik júrýi saqtalady, dep habarlaıdy QR ІІM TJK.
Jambyl, Ońtústik Qazaqstan oblystarynyń keı jerlerinde kúndiz naızaǵaı bolyp, jel 15-20 m/s kúsheıedi. Qyzylorda oblysynda, kúndiz Batys Qazaqstan oblysynyń keı jerlerinde jel 15-20 m/s deıin kúsheıedi, shańdy daýyl bolady. Qostanaı oblysynyń keı jerlerinde tuman, jel 17-22 m/s kúsheıedi. Soltústik Qazaqstan oblysynyń keı jerlerinde tuman, jel 15-20 m/s kúsheıedi. Aqtóbe oblysynyń keı jerlerinde jel 18 m/s kúsheıedi. Aqmola, Atyraý, Qaraǵandy, Shyǵys Qazaqstan keı jerlerinde tuman kútiledi. Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı keı jerlerinde 3 gradýsqa deıin úsik kútiledi. Aqtóbe oblysynyń keı jerlerinde óte joǵary órt qaýipi saqtalady.
