Juma kúni respýblıkanyń keı aımaqtarynda qatty ystyq bolady - Qazgıdromet
ASTANA. QazAqparat - 29 mamyr kúni Qazaqstan terrıtorııasynyń basym bóliginde aýa raıy jaýyn-shashynsyz bolady, tek respýblıkanyń soltústik, ońtústik-shyǵys jáne shyǵys bólikteriniń keı jerlerde naızaǵaıly jańbyr jaýady, batys bóliginde ekpindi jel turady, túnde soltústik bóliginiń keı jerlerinde tuman túsedi. Bul týraly Qazgıdromet habarlady.
Atyraý, Batys Qazaqstan, kúndiz Jambyl oblystarynyń keı jerlerinde jeldiń 15-20 m/s kúsheıýi kútiledi. Mańǵystaý oblysynyń keı jerlerinde naızaǵaı men jel soǵady, kúshi 15-20 m/s. Túnde jáne tańerteń Soltústik Qazaqstan oblysynyń keı jerlerinde tuman kútilip, kúndiz naızaǵaı oınaýy múmkin. Shyǵys Qazaqstan oblysynyń keı jerlerinde naızaǵaı kútilip, jel 18 m/s kúsheıedi, jer betinde 2 gradýsqa deıin úsik júredi. Kúndiz Aqmola oblysynyń keı jerlerinde naızaǵaı túsedi. Atyraý oblysynda, Batys Qazaqstan, Aqtóbe, Qostanaı oblystarynyń keı jerlerinde kúndiz qatty ystyq saqtalady.
