Juma kúni respýblıkanyń batys bóliginde ótkinshi jańbyr jaýady
ASTANA. QazAqparat - 15 sáýir kúni Qazaqstan aýmaǵynyń basym bóliginde jaýyn-shashynsyz aýa raıy saqtalady.
Tek Qazaqstannyń batysynda atmosferalyq frontaldy bólikterdiń ótýine baılanysty ótkinshi jańbyr jaýady. Keı jerlerde tuman, jeldiń ońtústikte shańdy daýylmen kúsheıýi kútiledi. Bul týraly Qazgıdromet habarlady.
Ońtústik Qazaqstan, Qyzylorda oblystarynyń keı jerlerinde jel 15-20 m/s shańdy daýylmen kúsheıedi. Jambyl oblysynyń keı jerlerinde jel 15-20 m/s kúsheıip, túnde tuman bolady. Mańǵystaý, Qostanaı, Soltústik Qazaqstan, Shyǵys Qazaqstan, túnde Pavlodar oblystarynyń keı jerlerinde tuman bolady. Qaraǵandy oblysynyń keı jerlerinde jel 15-20 m/s kúsheıedi.
