Juma kúni respýblıkanyń basym bóliginde jel kúsheıip, kóktaıǵaq bolady
ASTANA. QazAqparat - 25 jeltoqsan kúni Qazaqstannyń basym aımaqtarynda atmosferalyq fronttardyń ótýine baılanysty turaqsyz aýa raıy saqtalady, keı jerlerde jaýyn-shashyn (kóbinese qar) jaýady, tuman, kóktaıǵaq, burqasyn, jel, respýblıkanyń jekelegen aımaqtarynda qatty jel kútiledi.
Bul týraly Qazgıdromet habarlady. Aqmola oblysynda túnde jel 15-20, kúndiz 15-20, ekpini 23-28 m/s kúsheıedi, keı jerlerinde burqasyn, tuman, kóktaıǵaq bolady. Jambyl oblysynyń keı jerlerinde jel 17-22, kúndiz ekpini 25 m/s kúsheıedi, keı jerlerinde burqasyn, tuman kóktaıǵaq bolady. Ońtústik Qazaqstan oblysynyń keı jerlerinde jel 15-20, ekpini 23-28 m/s, taý asýlarynda 30 m/s kúsheıedi, keı jerlerinde burqasyn bolady. Almaty oblysynyń Jalańashkól mańynda jel 20-25, ekpini 28 m/s, keı jerlerinde tuman bolady. Aqtóbe, Soltústik Qazaqstan, Pavlodar oblystarynyń keı jerlerinde tuman, kóktaıǵaq bolady, jel 15-20 m/s. Qostanaı oblysynyń keı jerlerinde burqasynmen qatar jel 15-20 m/s kúsheıedi, kóktaıǵaq bolady. Qaraǵandy oblysynda burqasyn, keı jerlerinde tuman, kóktaıǵaq bolady, kúndiz jel 15-20, keı jerlerde ekpini 25 m/s kúsheıedi. Shyǵys Qazaqstan oblysynyń keı jerlerinde jel 17-22, ekpini 25 m/s kúsheıedi, burqasyn, kóktaıǵaq bolady.
