Juma kúni respýblıkanyń basym bóliginde qar jaýady
ASTANA. QazAqparat - 9 jeltoqsan kúni Qazaqstannyń basym bóliginde atmosferalyq fronttyń ótýine baılanysty jaýyn-shashyn saqtalady, kóbine qar, ońtústikte, ońtústik-shyǵysta, shyǵystyń keı jerlerinde qatty qar jaýady. Keı jerlerde tuman, kóktaıǵaq, burqasyn bolyp, jel kúsheıedi. Bul týraly QR ІІM TJK habarlady.
Aqmola, Pavlodar oblystarynda burqasyn bolyp, jel 15-20, keı jerlerde 25 m/s kúsheıedi. Qostanaı, Aqtóbe, Batys Qazaqstan, Soltústik Qazaqstan oblystarynyń keı jerlerinde burqasyn bolyp, jel 15-20 m/s kúsheıedi. Shyǵys Qazaqstan oblysynyń keı jerlerinde burqasyn, tuman, kóktaıǵaq bolyp, jel 15-20, ekpini 23-28 m/s bolady. Qaraǵandy oblysynyń keı jerlerinde burqasyn, tuman bolyp, jel 15-20 m/s kúsheıedi. Jambyl, Ońtústik Qazaqstan, Qyzylorda oblystarynyń keı jerlerinde tuman, kóktaıǵaq, jel burqasynmen 15-25 m/s kúsheıedi. Mańǵystaý oblysynyń keı jerlerinde tuman, kóktaıǵaq, jel 15-20 m/s kúsheıedi. Atyraý oblysynyń keı jerlerinde burqasyn, kóktaıǵaq, jel 15-20 m/s bolady. Almaty oblysynyń keı jerlerinde tuman, jel 17-22, ekpini 25 m/s kúsheıedi.
