Juma kúni respýblıkanyń basym bóliginde aptap ystyq bolady - Qazgıdromet
ASTANA. QazAqparat - 5 maýsym kúni Qazaqstan terrıtorııasynyń basym bóliginde atmosferalyq fronttardyń ótýine baılanysty keı jerlerde naızaǵaıly ótkinshi jańbyr jaýyp, ekpindi jel turady. Tek respýblıkanyń ońtústik jáne ońtústik-batys aımaqtarynda aýa raıy jaýyn-shashynsyz bolady.
Bul týraly Qazgıdromet habarlady.
Aqmola, Pavlodar, kúndiz Batys Qazaqstan, oblystarynyń keı jerlerinde jeldiń kúshi 15-20 m/s bolady. Qostanaı oblysynyń keı jerlerinde jel 15-20 m/s kúsheıip, túnde keı jerlerde tuman túsedi. Soltústik Qazaqstan oblysynda túnde jáne tańerten - tuman, kúndiz keı jerlerde jel 15-20 m/s kúsheıedi. Mańǵystaý oblysynda túnde jáne tańerten keı jerlerde tuman kútiledi. Kúndiz Jambyl, Ońtústik Qazaqstan, Qyzylorda, keı jerlerde Almaty, Mańǵystaý, Aqtóbe, Qaraǵandy oblystarynyń keı jerlerinde qatty ystyq kútiledi. Almaty, Ońtústik Qazaqstan, Qyzylorda oblystarynyń keı jerlerinde óte joǵary órt qaýipi kútiledi.
