Juma kúni respýblıkanyń basym bóligi jaýyn-shashyndy bolady
ASTANA. QazAqparat - 25 naýryz kúni Qazaqstannyń basym bóliginde atmosferalyq frontaldy bólikterdiń ótýine baılanysty, keı jerlerde jaýyn-shashyn jaýyp, tuman, kóktaıǵaq, jeldiń kúsheıýi kútiledi, soltústikte jaıaý burqasyn bolady. Tek ońtústik-batysta jáne shyǵysta jaýyn-shashynsyz aýa raıy kútiledi.
Bul týraly QR ІІM TJ Komıtetinen habarlady.
Shyǵys Qazaqstan, Aqtóbe, Mańǵystaý, Batys Qazaqstan, Atyraý oblystarynyń keı jerlerinde tuman kútiledi. Almaty oblysynyń Jalańashkól aýdanynda jel 18-23, ekpini 28 m/s kúsheıedi. Aqmola, Qostanaı, Soltústik Qazaqstan oblystarynyń keı jerlerinde tuman, kóktaıǵaq, burqasyn, jel 15-20 m/s kúsheıedi. Qaraǵandy oblysynyń kúndiz keı jerlerinde kóktaıǵaq bolyp, jeldiń 15-20 m/s kúsheıýi kútiledi. Jambyl oblysynyń keı jerlerinde tuman, jeldiń 15-23 m/s kúsheıýi kútiledi. Qyzylorda oblysynyń keı jerlerinde jeldiń 15-20 m/s kúsheıýi kútiledi.
