Juma kúni Microsoft kompanııasynyń aktsııalary 7,3 paıyzǵa qymbattady
ASTANA. 24 tamyz. QazAqparat - Microsoft-tyń qazirgi basshysy Stıv Balmer óziniń qyzmetin bir jyldyń ishinde bosatady degen aqparat taraǵannan keıin, amerıkalyq kompanııanyń aktsııalary juma kúngi saýdanyń nátıjesi boıynsha 7,3 paıyzǵa artqan. Bul týraly VVS habarlady.
Saýdanyń jabylýy kezinde kompıýterlerge operatsııalyq júıeni óndirýshi álemdegi iri kompanııanyń naryqtyq kapıtaldandyrýy 289 mlrd. AQSh dollaryn qurady. Al Apple Inc. kompanııasynyń kapıtaldandyrýy 455 mlrd. dollarǵa teń.
Qazirgi kezde Microsoft mobıldi qurylǵylar naryǵynda qalys kelýde jáne osy kemshiligin qıynshylyqpen eńserýde. Alaıda, Windows burynǵysynsha kompıýterler naryǵynda basymdyqqa ıe bolyp otyr. Degenmen de Microsoft smartfondar men planshetterdiń naryǵynda osyndaı tabysqa qol jetkize almaýda.
