Juma kúni Qazaqstannyń batysy men soltústiginde ǵana ótkinshi jańbyr jaýyp, naızaǵaı oınaıdy
ASTANA. QazAqparat - Juma kúni Qazaqstannyń basym bóliginde kún raıy ashyq bolady, atmosferalyq aǵyndardyń ótýimen respýblıkanyń batysy men soltústiginde keı jerlerde ótkinshi jańbyr jaýyp, naızaǵaı oınaıdy. Keı jerlerde jel kúsheıedi, ońtústikte shańdy daýyl kóteriledi, dep habarlady «Qazgıdromet» RMK.
Jambyl, kúndiz Qyzylorda oblystarynda keı jerlerde shańdy daýyl kóteriledi, jel 15-20 m/s-qa deıin kúsheıedi.
Ońtústik Qazaqstan, Batys Qazaqstan, Qostanaı oblystarynda keı jerlerde jel 15-20 m/s-qa deıin kúsheıedi.
Shyǵys Qazaqstan oblysynda túnde jáne tańerteń keı jerlerde tuman túsedi. Kúndiz Atyraý, Batys Qazaqstan, Aqtóbe oblystarynda, Ońtústik Qazaqstan, Mańǵystaý, Qostanaı oblystarynyń keı jerlerinde aptap ystyq bolady.
Qyzylorda, Ońtústik Qazaqstan, Jambyl oblystarynda keı jerlerde tótenshe órt qaýpi saqtalady.
