Juma kúni Qazaqstannyń basym bóliginde kóktaıǵaq bolyp, jel kúsheıedi
ASTANA. QazAqparat - Atmosferalyq aǵymdardyń ótýine baılanysty júma kúni kóp jerlerde qar jaýyp, kóktaıǵaq bolyp, jel kúsheıedi. Tek respýblıkanyń ońtústiginde, soltústiginde jáne shyǵysynda qar jaýmaıdy, dep habarlaıdy «Qazgıdromet» RMK.
Jambyl oblysynyń keı jerlerinde tuman túsip, jeldiń jyldamdyǵy sekýndyna 15-20 metrge deıin jetedi, ekpini 23-28 metr bolýy yqtımal.
Qostanaı oblysynda jeldiń ekpini sekýndyna 15-20 metr bolady dep kútilýde, keı jerlerde boran soǵyp, kóktaıǵaq bolady.
Aqmola oblysynda tuman túsip, kúndiz jeldiń jyldamdyǵy sekýndyna 15-20 metrge jetedi.
Almaty oblysynyń birqatar aımaqtarynda tuman túsip, Jalańashkól aýmaǵynda jeldiń kúshi sekýndyna 15-20 metr bolady.
Qyzylorda oblysynyń birqatar aımaqtarynda tuman túsip, kóktaıǵaq bolady. Jeldiń kúshi sekýndyna 15-20 metrge jetedi.
Soltústik Qazaqstan, Ońtústik Qazaqstan oblystarynyń keı jerlerinde tuman túsip, kúndiz jel sekýndyna 15-20 metrge deıin kúsheıedi.
Qaraǵandy oblysynda keı jerlerde kóktaıǵaq bolyp, tuman túsip, kúndiz jeldiń jyldamdyǵy sekýndyna 15-20 metr bolady.
Mańǵystaý, Atyraý, Batys Qazaqstan, Aqtóbe oblystarynyń keıbir aımaqtarynda tuman túsip, kóktaıǵaq bolady.
Shyǵys Qazaqstan oblysynda tuman túsedi.
