Juma kúni Qazaqstannyń 17 qalasynda aýa sapasy tómendedi
ASTANA. QazAqparat - 26 qańtardaǵy meteorologııalyq jaǵdaı boıynsha Qazaqstannyń 17 qalasynda atmosferanyń lastanýy baıqalǵan, dep habarlaıdy «QazAqparat» HAA tilshisi Qazgıdrometke silteme jasap.
Vedomstvonyń aqparaty boıynsha, Astana, Aqtaý, Aqtóbe, Almaty, Qaraǵandy, Qostanaı, Kókshetaý, Aqsý, Ekibastuz, Pavlodar, Petropavl, Taldyqorǵan, Taraz, Jańa Buqtyrma, Rıdder, Óskemen jáne Shymkent qalalarynda qolaısyz meteojaǵdaı atmosferanyń lastanýyna ákep soqtyrady.
Atyraý, Qyzylorda, Aqsaı, Oral qalalarynda meteojaǵdaı atmosferada lastaýshy zattardyń taralýyna yqpal etedi.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar (tymyq, baıaý jel, tuman, ınversııa) eskeriledi. Bul jaǵdaıda eldi mekenderdegi atmosferalyq aýanyń sapasy nasharlap ketedi.
