Juma kúni Qazaqstannyń 16 qalasynda aýa sapasy tómendedi
ASTANA. QazAqparat - 3 aqpandaǵy meteorologııalyq jaǵdaı boıynsha Qazaqstannyń 17 qalasynda atmosferanyń lastanýy baıqalady, dep habarlaıdy «QazAqparat» HAA tilshisi Qazgıdrometke silteme jasap.
Vedomstvonyń aqparaty boıynsha, Almaty, Aqtóbe, Qyzylorda, Taraz, Shymkent qalalaryndaǵy meteojaǵdaılar atmosferada lastaýshy zattardyń taralýyna sebep bolady.
Astana, Aqtaý, Aqsaı, Oral, Qaraǵandy, Qostanaı, Kókshetaý, Aqsý, Ekibastuz, Pavlodar, Petropavl, Taldyqorǵan, Jańa Buqtyrma, Rıdder, Óskemen qalalarynda qolaısyz meteojaǵdaı atmosferanyń lastanýyna ákep soqtyrady.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteorologııalyq faktorlar (tymyq, baıaý jel, tuman, ınversııa) eskeriledi. Bul jaǵdaıda eldi mekenderdegi atmosferalyq aýanyń sapasy nasharlap ketedi.
