Juma kúni Qazaqstannyń 12 qalasynda aýa sapasy tómendeıdi
ASTANA. QazAqparat - 22 aqpan kúni meteojaǵdaılar Qazaqstannyń 11 qalasynda atmosferanyń nasharlaýyna áser etedi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Jańaózen, Aqtóbe, Aqsý, Ekibastuz, Pavlodar, Kókshetaý, Qostanaı, Óskemen jáne Taldyqorǵan qalalarynda aýaǵa lastaýshy zattar taralady.
Sondaı-aq, Almaty, Astana, Atyraý, Balqash, Qaraǵandy, Qyzylorda, Petropavl, Taraz, Temirtaý, Aqsaı, Oral, jáne Shymkent qalalarynda atmosferada lastaýshy zattar jınaqtalady dep kútilýde.
Eske salaıyq, 2018 jyldyń 1 qańtarynan bastap «Qazgıdromet» RMK-nyń www.kazhydromet.kz saıtynda aldaǵy táýlikke arnalǵan qolaısyz meteorologııalyq jaǵdaılarǵa arnalǵan boljamdar jarııalanyp turady.
Aýanyń lastanýyna boljam jasaýda atmosferadaǵy zııandy (lastaýshy) zattardyń jınalýyna yqpal etetin meteofaktorlar (tymyq kún, baıaý jel, tuman, ınversııa) eskeriledi. Bul jaǵdaıda eldi mekenderdegi atmosferalyq aýanyń sapasy nasharlap ketedi.
