Juma kúni elimizdiń soltústigi men ortalyǵynda jaýyn jaýady
NUR-SULTAN. QazAqparat – Juma kúni elimizdiń soltústigi men ortalyǵynda jaýyn-shashyn túsedi, dep habarlaıdy QazAqparat Qazgıdrometke silteme jasap.
27 naýryzda Qazaqstan aýmaǵynyń basym bóliginde kún raıy ashyq bolady, tek respýblıkanyń soltústigi men ortalyǵynda frontaldy bólikterdiń ótýine baılanysty keı jerlerinde jaýyn-shashyn jaýady. Respýblıkanyń keı jerlerinde tuman túsedi, jeldiń kúsheıýi saqtalady, soltústikte keı jerlerinde kóktaıǵaq kútiledi.
Shyǵys Qazaqstan oblysynyń túnde jáne tańerteń keı jerlerinde tuman kútiledi, kúndiz jel 15-20 m/s kúsheıedi.
Aqmola, Qyzylorda, Qostanaı, Soltústik Qazaqstan, Pavlodar, túnde jáne tańerten Túrkistan oblystarynyń keı jerlerinde jel 15-20 m/s kúsheıedi, Qostanaı oblysynyń keı jerlerinde tuman, Soltústik Qazaqstan oblysynyń keı jerlerinde kóktaıǵaq kútiledi.
Almaty oblysynyń Jalańashkól aýdanynda jel 18-23 m/s kúsheıedi. Jambyl, Batys Qazaqstan oblystarynyń keı jerlerinde tuman kútiledi.
