Juma kúni elimizdiń basym bóliginde jel kúsheıedi
ASTANA. QazAqparat - 1 jeltoqsanda atmosferalyq aǵyndardyń ótýine baılanysty Qazaqstan terrıtorııasynyń keı jerlerinde qar jaýyp, tuman, kóktaıǵaq bolady, jeldiń 15-20 m/s-ge kúsheıýi kútiledi. Batys, soltústik, shyǵys jáne ońtústik-shyǵysta jaýyn-shashynsyz aýa raıy kútiledi, dep habarlaıdy Qazgıdromet.
Jambyl, Ońtústik Qazaqstan, Qyzylorda oblystarynyń keı jerlerinde tuman, kóktaıǵaq, jeldiń kúsheıýi kútiledi.
Almaty oblysynyń keı jerlerinde tuman kútiledi, Jalańashkól aýdanynda jeldiń kúshi 15-20, ekpini 25 m/s bolady.
Kúndiz Shyǵys Qazaqstan oblysynda, Jarma aýdanynda jeldiń kúshi 15-20 m/s bolady, túnde jáne tańerteń keı jerlerinde tuman baqylanady.
Aqmola oblysynda jaıaý burqasyn, tuman baqylanady.
Mańǵystaý, Atyraý, Batys Qazaqstan, Aqtóbe, Qostanaı, Soltústik Qazaqstan, Qaraǵandy, túnde Pavlodar oblystarynyń keı jerlerinde tuman kútiledi.
