Juma kúni elimizdiń basym bóliginde jaýyn-shashyn bolady
NUR-SULTAN. QazAqparat - Sınoptıkterdiń boljaýynsha juma kúni jaýyn jaýady, keı jerlerde qar túsýi múmkin, jel kúsheıip kóktaıǵaq bolady, dep habarlaıdy QazAqparat.
Qazgıdromettiń málimetinshe, 19 sáýirde atmosferalyq aǵyndardyń ótýine baılanysty elimizdiń basym bóliginde jaýyn-shashyn kútiledi, tek batys, soltústikte kún raıy ashyq. Keı jerlerde tuman, naızaǵaı, kóktaıǵaq, jel kúsheıedi, ońtústikte burshaq jaýýy yqtımal.
Jambyl oblysynyń keı jerlerinde tuman kútiledi, burshaq jaýýy múmkin, jeldiń jyldamdyǵy sekýndyna 15-20, tańerteń jáne kúndiz ekpini 23-28 metrge kúsheıedi, ońtústik-batysta jeldiń kúshi 30 m/s jetýi múmkin.
Túrkistan oblysynyń keı jerlerinde burshaq jaýýy múmkin, jeldiń kúshi 15-20, keıde 23-28 m/s jetedi.
Qyzylorda oblysynda jel 15-20, keı jerlerde 23-28 m/s kúsheıedi, keı jerlerde kóktaıǵaq kútiledi.
Aqtóbe oblysynyń keı jerlerinde jaıaý burqasyn soǵady, kóktaıǵaq bolýy múmkin, jeldiń jyldamdyǵy sekýndyna 15-20, túnde 23 metrge deıin kúsheıedi.
Aqmola oblysynyń keı jerlerinde burqasyn kútiledi, túnde keı jerlerde jel 15-20 m/s, tańerteń jáne kúndiz basym bóliginde 15-20, keı jerlerinde ekpini 25 m/s kúsheıedi.
Qostanaı, Shyǵys Qazaqstan oblystarynyń keı jerlerinde kóktaıǵaq, tuman kútiledi, jel 15-20 m/s kúsheıedi.
Qaraǵandy oblysynyń keı jerlerinde tuman, kóktaıǵaq kútiledi, burshaq jaýýy múmkin, jel 15-20, ekpini 25 m/s kúsheıedi.
Batys Qazaqstan, kúndiz Almaty, túnde Atyraý, Mańǵystaý oblystarynyń keı jerlerinde jel 15-20 m/s kúsheıedi.
Soltústik Qazaqstan oblysynyń keı jerlerinde tuman kútiledi.
