Juma kúni elimizdiń basym bóliginde jańbyr jaýady
ASTANA. QazAqparat - 29 maýsymda atmosferalyq aǵyndardyń ótýine baılanysty Qazaqstannyń basym bóliginde qubylmaly aýa raıy saqtalady, keı jerlerde naızaǵaıly jańbyr bolady, jel kúsheıip, daýyl soǵýy, burshaq jaýýy yqtımal.
Sınoptıkterdiń boljaýynsha, elimizdiń batysynda jaýyn-shashynsyz aýa raıy kútiledi.
Aqmola, Soltústik Qazaqstan, Pavlodar, Qaraǵandy oblystarynyń keı jerlerinde jel jyldamdyǵy 15-20 m/s jetedi, kúndiz daýyl soǵyp, burshaq túsýi múmkin, túnde tuman kútiledi.
Almaty, Aqtóbe oblystarynyń, kúndiz Qostanaı, Qyzylorda oblystarynyń keı jerlerinde jeldiń ekpini 15-23 m/s jetedi, Qostanaı oblysynyń keı jerlerinde túnde tuman kútiledi.
Jambyl, Shyǵys Qazaqstan, Qaraǵandy oblystarynyń keı jerlerinde jel 15-20 m/s údeıdi, daýyl turyp, burshaq jaýýy yqtımal, sondaı-aq Qaraǵandy oblysynyń keı jerlerinde túnde jáne tańerteń tuman kútiledi.
Kúndiz Mańǵystaý, Atyraý, Batys Qazaqstan oblystarynda qatty ystyq saqtalady, Mańǵystaý, Atyraý oblystarynyń keı jerlerinde óte qatty aptap ystyq bolady.
Mańǵystaý, Atyraý, Qyzylorda oblystarynda, Batys Qazaqstan, Aqtóbe, Ońtústik Qazaqstan, Shyǵys Qazaqstan, Qaraǵandy, Jambyl oblystarynyń keı jerlerinde óte joǵary órt qaýipi saqtalady.
