Juma kúni elimizdegi jeti oblysta ystyq bolady
ASTANA. QazAqparat - 7 shildede atmosferalyq aǵyndardyń ótýine baılanysty Qazaqstannyń basym bóliginde qubylmaly aýa raıy saqtalady, jańbyr kútiledi, naızaǵaı bolady, jeldiń kúsheıýi, burshaq bolýy múmkin. Respýblıkanyń ońtústiginde jaýyn-shashynsyz ystyq aýa raıy saqtalady, dep habarlaıdy Qazgıdromet.
Soltústik Qazaqstan oblysynda keı jerlerde naızaǵaı, burshaq bolýy múmkin, túnde jel 15-20 m/s, kúndiz basym bóliginde jel 15-20, keıde ekpini 23-28 m/s kúsheıedi.
Aqmola, Pavlodar, Qaraǵandy, Shyǵys Qazaqstan oblystarynda keı jerlerde naızaǵaı, burshaq bolýy múmkin, jeldiń kúsheıýi 15-20 m/s, Qaraǵandy oblysynda ekpini 25 m/s kútiledi.
Kúndiz Kyzylorda oblysynyń keı jerlerinde jeldiń kúshi 15-20 m/s kúsheıedi.
Mańǵystaý, Qostanaı oblystarynda naızaǵaıly nóser bolýy múmkin, jeldiń kúshi 15-20 m/s bolady. Kúndiz Jambyl, Batys Qazaqstan oblysynyń keı jerlerinde jeldiń kúshi 15-20 m/s bolady.
Kúndiz Kyzylorda oblysynda óte qatty ystyq saqtalady, Almaty oblysynda aptap, keı jerlerde óte qatty ystyq, Jambyl, Ońtústik Qazaqstan oblysynyń keı jerlerinde, Aqtóbe, Pavlodar, Qaraǵandy oblystarynda qatty ystyq aýa raıy kútiledi.
Qyzylorda, Ońtústik Qazaqstan, Qaraǵandy, Qostanaı, Atyraý, Batys Qazaqstan, Shyǵys Qazaqstan oblystarynda keı jerlerinde óte joǵary órt qaýpi saqtalady.
