Juma kúni elimizde aýa raıy qubylmaly bolady
ASTANA. QazAqparat - Juma kúni Qazaqstannyń kóptegen aımaqtarynda atmosferalyq fronttardyń ótýine baılanysty turaqsyz aýa raıy kútiledi, dep habarlaıdy QazAqparat Qazgıdrometke silteme jasap.
Keı jerlerde jaýyn-shashyn jaýady, tek respýblıkanyń batysynda, ońtústik jáne ońtústik-shyǵysynda kún ashyq bolady. Keı jerlerde tuman, kóktaıǵaq, jeldiń kúsheıýi kútiledi, soltústikte jaıaý burqasyndy jel, ońtústikte shańdy daýyl bolady.
Soltústik Qazaqstan oblysynda jel qarqyny 15-20, keı jerlerde 23-28 m/s deıin kúsheıip, kúndiz keı ýaqyttarda 30 m/s jáne odan asýy múmkin. Keı jerlerde burqasyn, kóktaıǵaq bolady.
Túnde Aqmola oblysynyń keı jerlerinde jeldiń kúshi 15-20, keı jerlerinde 23-28 m/s, kúndiz 15-20, 30 m/s deıin údeıdi. Keı aımaqtarda tuman, burqasyn, kóktaıǵaq kútiledi.
Qostanaı oblysynda jel 15-20, ekpini 25 m/s deıin kúsheıedi, keı jerlerde tuman burqasyn, kóktaıǵaq kútiledi. Kúndiz Qaraǵandy, Pavlodar oblystarynyń keı jerlerinde kóktaıǵaq bolyp, jel jyldamdyǵy 15-20 m/s deıin jetedi.
Qaraǵandy oblysynyń keı jerlerinde tuman kútiledi.
Shyǵys Qazaqstan, Qyzylorda, Jambyl oblystarynyń keı jerlerinde tuman, tańerteń jáne kúndiz jel ekpini 15-20 m/s deıin kúsheıedi.
Almaty oblysynyń Jalańashkól aýdanynda jel 18-23 m/s kúsheıýi yqtımal.
Mańǵystaý oblysynyń keı jerlerinde jel 15-20 m/s deıin údep, shandy daýyl bolady.
Batys Qazaqstan, Atyraý, Aqtóbe oblystarynyń keı aımaqtaryna tuman túsedi. Túnde Aqtóbe oblysynda kóktaıǵaq bolady.
