Juma kúni elimizde ashyq kún raıy saqtalady
NUR-SULTAN. QazAqparat – 29 sáýir kúni respýblıkanyń basym aýmaǵynda ashyq, jaýyn-shashynsyz aýa raıy saqtalady. Elimizdiń tek ońtústiginde, ońtústik-shyǵysynda, taýly aýdandarynda jańbyr jaýady, naızaǵaı, daýyl kútiledi. Barlyq óńirde jel turyp, ońtústikte shańdy daýyl turady. QazAqparat bul týraly Qazgıdrometke silteme jasap habarlaıdy.
Atap aıtqanda, Túrkistan oblysynyń soltústiginde, batysynda, taýly aýdandarynda kúndiz jeldiń ekpini 25 m/s artady. Óńirdiń soltústiginde, batysynda shańdy daýyl turady.
Jambyl oblysynyń ońtústiginde, soltústiginde, taýly aýdandarynda kúndiz daýyl kútiledi. Óńirdiń ońtústik-batysynda, soltústik-shyǵysynda, taýly aýdandarynda jeldiń ekpini 23-28 m/s jetedi.
Almaty oblysynyń Alakól kólderiniń aýdanynda jeldiń kúshi 23-28 m/s artady.
Aqmola oblysynyń batysynda jel 15-20 m/s kúsheıedi.
Soltústik Qazaqstan oblysynyń soltústik-batysynda, shyǵysynda jeldiń jyldamdyǵy 15-20 m/s quraıdy.
Qaraǵandy oblysynyń ońtústiginde kúndiz jeldiń ekpini 25 m/s artady. Qostanaı oblysynyń soltústik-batysynda jeldiń kúshi 23 m/s jetedi.
Sondaı-aq Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi kútiledi.
