Juma kúni 8 óńirde jel kúsheıedi
NUR-SULTAN. QazAqparat – Sınoptıkter 19 shildege arnalǵan aýa raıy boljamyn usynady, dep habarlaıdy QazAqparat Qazgıdrometke silteme jasap.
Respýblıkanyń basym bóligi antıtsıklon yqpalynda bolǵandyqtan, keı jerlerde jaýyn-shashynsyz aýa raıy saqtalady. Tek Qazaqstannyń batysy, ońtústik-batysy jáne shyǵysynda atmosferalyq fronttardyń ótýine baılanysty keı jerlerde naızaǵaı oınap, jańbyr jaýady. Jel kúsheıedi, burshaq jaýýy múmkin. Soltústikte túnde jáne tańerteń keı jerlerde tuman túsedi, shyǵysta – daýyl.
Aqtóbe, Qaraǵandy, Shyǵys Qazaqstan, kúndiz Jambyl, Qyzylorda, Atyraý, Batys Qazaqstan, Pavlodar oblystarynyń keı jerlerinde jel kúsheıedi.
Jambyl oblysynda keı jerlerde shańdy daýyl turady.
Pavlodar oblysynyń keı jerlerinde kúndiz burshaq jaýýy múmkin, Shyǵys Qazaqstan oblysynda daýyl turyp, burshaq jaýady.
Soltústik Qazaqstan oblysynda túnde jáne tańerteń tuman túsedi.
Kúndiz Almaty, Túrkistan, Qyzylorda, Aqtóbe oblystarynda aptap ystyq, keı jerlerinde óte qatty ystyq bolady.
Jambyl, Atyraý, Mańǵystaý, Batys Qazaqstan, Qostanaı, Qaraǵandy oblystarynyń keı jerlerinde qatty ystyq kútiledi.
Qyzylorda, Túrkistan, Almaty, Jambyl, Aqtóbe, Qaraǵandy, Shyǵys Qazaqstan oblystarynyń keı jerlerinde joǵary órt qaýpi saqtalady.
