Juma kúni 6 qalada aýa sapasy nasharlaıdy
ASTANA. QazAqparat - Juma, 8 aqpan kúni Qazaqstannyń 6 qalasynda jaǵymsyz meteorologııalyq ahýal qalyptasady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Aqtóbe, Almaty, Atyraý, Qostanaı, Kókshetaý, Petropavl, Taraz, Oral jáne Óskemen qalalarynda meteojaǵdaı qolaıly bolady.
Al Astana, Qaraǵandy, Qyzylorda, Pavlodar, Taldyqorǵan jáne Shymkent qalalarynda atmosferalyq aýanyń lastanýy kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal. Lastaýshy deńgeıdiń qalyptasýyn anyqtaıtyn mańyzdy fatorlardyń biri - sınoptıkalyq jaǵdaıdyń boljamy (jel, jaýyn-shashyn, ylǵaldylyq, aýa temperatýrasy).
