Juma kúni 11 óńirde qatty ystyq bolady

NUR-SULTAN. QazAqparat – 2 qyrkúıekte Qazaqstannyń basym bóliginiń aýa raıyn aýqymdy antıtsıklon anyqtaıdy. Onymen bultty jáne qurǵaq aýa raıy kútiledi. Tek elimizdiń soltústik-batysynda, batysynda, shyǵysynda frontaldy bólikterge baılanysty naızaǵaı oınap, jańbyr jaýady. Respýblıka boıynsha keı jerlerde shańdy daýyl turyp, jel kúsheıedi. QazAqparat bul týraly «Qazgıdromet» RMK-ǵa silteme jasap habarlaıdy.

Atap aıtqanda, Jambyl, Qyzylorda, Túrkistan, Aqtóbe, Almaty, Jetisý oblystarynyń basym bóliginde, Atyraý oblysynyń batysynda, ońtústiginde, Batys Qazaqstan, Abaı, Qostanaı, Qaraǵandy, Ýlytaý oblystarynyń ońtústiginde tótenshe órt qaýpi saqtalady.

Aqmola, Qostanaı oblystarynyń basym bóliginde joǵary órt qaýpi kútiledi.

Kúndiz Atyraý, Aqtóbe, Mańǵystaý, Qostanaı, Ulytaý, Jetisý oblystarynyń basym bóliginde, Jambyl oblysynyń ońtústiginde, batysynda, soltústiginde, Batys Qazaqstan oblysynyń ońtústiginde, Qaraǵandy oblysynyń ońtústiginde, shyǵysynda, ortalyǵynda,Soltústik Qazaqstan, Aqmola oblystarynyń basym bóliginde qatty ystyq bolady.