Juma kúngi aýa raıy
NUR-SULTAN. QazAqparat – Juma kúni elimizde kún ashyq, ystyq bolady, dep habarlaıdy QazAqparat Qazgıdrometke silteme jasap.
«17 shildede elimizdiń basym bóligi áli de antıtsıklonyń yqpalynda bolǵandyqtan, jaýyn-shashynsyz ystyq aýa raıy saqtalady. Tek elimizdiń batysy men ońtústik-shyǵysy atmosferalyq frontardy bólikterdiń áserinen keı jerlerde naızaǵaı oınap, jańbyr jaýady, burshaq jaýýy yqtımal. Keı jerlerde jel kúsheıip, ońtústik-batysta shańdy daýyl soǵýy yqtımal», delingen habarlamada.
Qyzylorda, Qaraǵandy, túnde Atyraý, kúndiz Jambyl, Batys Qazaqstan, Aqmola, Aqtobe, Pavlodar oblystarynyń keı jerlerinde jel 15-23 m/s kúsheıedi. Jambyl, Batys Qazaqstan oblystarynyń keı jerlerinde burshaq jaýýy yqtımal. Manǵystaý oblysynyń keı jerlerinde shańdy daýyl kútiledi.
Kúndiz Almaty, Jambyl, Túrkistan, Qyzylorda, Manǵystaý, Batys Qazaqstan, Qostanaı, Soltústik Qazaqstan, Aqmola, Pavlodar, Qaraǵandy oblystarynda, Shyǵys Qazaqstan oblysynyń ońtústiginde qatty ystyq kútiledi, Atyraý, Aqtóbe oblystarynda qatty, keı jerlerde óte qatty aptap ystyq bolýy múmkin.
Atyraý oblysynda, Qyzylorda oblysynyń basym bóliginde, Batys Qazaqstan, Aqtóbe, Qaraǵandy, Jambyl, Túrkistan oblystarynyń keı jerlerinde, Almaty oblysynyń batysynda joǵary órt qaýipi saqtalady.
