Juma kúngi aýa raıy boljamy
ASTANA. QazAqparat - 16 qarasha kúni respýblıka terrıtorııasynyń basym bóliginde jaýyn-shashynsyz aýa raıy kútiledi. Frontaldyq bólikterdiń ótýine baılanysty respýblıkanyń tek soltústiginde azdaǵan qar jaýady. Keı jerlerde tuman, ekpindi jel men jaıaý burqasyn kútiledi, dep habarlaıdy QazAqparat.
«Qazgıdromet» RMK-nyń málimetinshe, Qaraǵandy, Shyǵys Qazaqstan, Jambyl, túnde Túrkistan, Qostanaı oblystarynyń keı jerlerinde tuman túsedi. Jambyl jáne Túrkistan oblystarynyń jekelegen aýmaqtarynda jeldiń ekpini 15-20 m/s kúsheıedi.
Aqmola, Qyzylorda, Mańǵystaý oblystarynda tańerteń jáne kúndiz jeldiń jyldamdyǵy 15-20 m/s artady.
Soltústik Qazaqstan oblysynyń jekelegen aýmaqtarynda jaıaý burqasyn bolady.
Almaty oblysynyń Jalańashkól aýdanynda jel 17-22 m/s kúsheıetini kútilýde.
