Juma kúni eldiń barlyq aýmaǵynda aýa raıyna baılanysty eskertý jarııalandy

ASTANA. KAZINFORM – Juma kúni eldiń barlyq óńirinde daýyldy eskertýler jarııalandy. Bul týraly «Qazgıdromet» RMK baspasóz qyzmeti habarlady.

Astanada 2 qańtarda kúndiz kóktaıǵaq bolady. Túnde jáne tańerteń tuman bolady. 

Aqmola oblysynda juma kúni kúndiz oblystyń batysynda jáne ońtústiginde azdaǵan qar jaýyp, jaıaý burqasyn bolyp, kóktaıǵaq bolady. Oblystyń batysynda, soltústiginde jáne shyǵysynda tuman bolady. Jel ońtústik-shyǵystan soǵady, túnde jáne tańerteń oblystyń batysynda, soltústiginde, ońtústiginde ekpini sekýndyna 15–20 metrge jetedi. Kókshetaý qalasynda 2 qańtarda joldarda kóktaıǵaq bolady. Jel ońtústik-shyǵystan, túnde ekpini sekýndyna 15–20 metr.

2 qańtarda Túrkistan oblysynyń soltústiginde, batysynda, ońtústiginde jáne taýly aımaqtarynda tuman kútiledi. Shymkentte 2 qańtarda keı ýaqytta tuman bolady. Túrkistan qalasynda da 2 qańtarda tuman bolady.

Mańǵystaý oblysynda juma túni oblystyń batysynda, soltústiginde jáne ortalyǵynda jaýyn-shashyn (jańbyr, qar), jaıaý burqasyn, kóktaıǵaq kútiledi. Kúndiz de jaýyn-shashyn (jańbyr, qar), jaıaý burqasyn, kóktaıǵaq bolady. Oblystyń soltústiginde jáne ortalyǵynda tuman kútiledi.

Jel soltústik-shyǵystan soǵyp, keıin soltústik-batysqa aýysady, oblystyń batysynda, soltústiginde jáne ortalyǵynda ekpini sekýndyna 15–20 metrge jetedi. 

2 qańtarda Batys Qazaqstan oblysynyń soltústiginde, shyǵysynda jáne ortalyǵynda tuman, kóktaıǵaq kútiledi. Oral qalasynda 2 qańtarda tuman men kóktaıǵaq bolady.

Jambyl oblysynda juma túni taýly aımaqtarda qar, jaıaý burqasyn, kóktaıǵaq kútiledi.

Oblystyń soltústiginde, ońtústiginde jáne taýly aımaqtarynda tuman bolady. Jel soltústik-shyǵystan, túnde oblystyń soltústik-shyǵysynda jáne taýly aımaqtarynda, kúndiz taýly aımaqtarda ekpini sekýndyna 15–20 metr.

2 qańtarda Jetisý oblysynyń soltústiginde, shyǵysynda, ortalyǵynda jáne taýly aımaqtarynda keı ýaqytta tuman kútiledi.  

Aqtóbe oblysynda juma túni oblystyń batysynda, ońtústiginde jáne shyǵysynda qar, jaıaý burqasyn, kóktaıǵaq kútiledi, kúndiz qar jaýady, oblystyń soltústiginde jáne shyǵysynda qalyń qar jaýyp, jaıaý burqasyn, kóktaıǵaq bolady. Oblystyń batysynda jáne soltústiginde tuman kútiledi. Jel soltústik-shyǵystan, soltústikten soǵady, kúndiz oblystyń ortalyǵynda ekpini sekýndyna 15–18 metr. 

2 qańtarda Shyǵys Qazaqstan oblysynyń soltústiginde, ońtústiginde jáne ortalyǵynda tuman kútiledi. Jel soltústik-shyǵystan, shyǵystan, kúndiz oblystyń ońtústik-shyǵysynda ekpini sekýndyna 15–18 metr. 

Abaı oblysynda juma túni ońtústik-batysta azdaǵan qar jaýyp, jaıaý burqasyn kútiledi. Oblystyń batysynda, soltústiginde jáne ortalyǵynda tuman bolady. 

Erteń Qyzylorda oblysynyń ortalyǵynda jáne soltústiginde tuman kútiledi. 

Ulytaý oblysynda juma kúni oblystyń soltústiginde, shyǵysynda jáne ortalyǵynda tuman kútiledi. Ońtústik-shyǵystan, oblystyń soltústiginde soqqan jeldiń ekpini sekýndyna 15–20 metr bolady. 

2 qańtarda Soltústik Qazaqstan oblysynyń batysynda, ońtústiginde qar, jaıaý burqasyn kútiledi. Oblystyń ońtústik-shyǵysynda tuman bolady. Jel ońtústikten, ońtústik-shyǵystan, túnde oblystyń batysynda, soltústiginde jáne ońtústiginde ekpini sekýndyna 15–20 metr. 

Atyraý oblysynda juma kúni oblystyń batysynda, ońtústiginde jáne shyǵysynda qar, jaıaý burqasyn, kóktaıǵaq kútiledi. Oblystyń soltústiginde jáne shyǵysynda tuman bolady. Jel soltústikten, soltústik-batystan, oblystyń shyǵysynda ekpini sekýndyna 15–20 metr.

Erteń Pavlodar oblysynyń batysynda, soltústiginde jáne ońtústiginde tuman kútiledi. 

Qostanaı oblysynda juma kúni oblystyń batysynda jáne soltústiginde qar, jaıaý burqasyn, kóktaıǵaq kútiledi. Oblystyń soltústiginde, batysynda jáne ońtústiginde tuman bolady. Jel ońtústik-shyǵystan, ońtústikten, túnde oblystyń batysynda, soltústiginde jáne shyǵysynda ekpini sekýndyna 15–20 metr. 

2 qańtarda Qaraǵandy oblysynyń batysynda, soltústiginde jáne shyǵysynda tuman kútiledi. 

Aıta ketelik Astana, Almaty jáne Shymkentte aldaǵy úsh kúnde aýa raıy qandaı bolatynyn jazǵan edik.